நீங்கள் தேடியது "மதுபாட்டில் பறிமுதல்"

புதுச்சேரி:

பாராளுமன்ற தேர்தலையொட்டி பணம் மற்றும் பரிசு பொருட்களை கடத்தப்படுவதை தடுக்க பறக்கும் படை அமைக்கப்பட்டுள்ளது.

இந்த பறக்கும் படையினர் புதுவை மாநிலத்தின் பல்வேறு பகுதிகளில் விடிய, விடிய வாகன சோதனை நடத்தி வருகிறார்கள்.

மேலும் புதுவையில் இருந்து விழுப்புரம், கடலூர் வழியாக தமிழகத்துக்கு பல்வேறு பகுதிகளுக்கு மதுபாட்டில்கள் கடத்தப்பட்டு வருகிறது. இதனை தடுக்க போலீசார் தீவிர நடவடிக்கை எடுத்து வருகிறார்கள்.

இன்று அதிகாலை 5 மணி அளவில் உருளையன்பேட்டை இன்ஸ்பெக்டர் தனசெல்வம் உத்தரவின் பேரில் சப்-இன்ஸ்பெக்டர்கள் ரமேஷ், வெங்கடாஜலபதி, கட்ட சுப்புராஜ் மற்றும் போலீசார் மறைமலையடிகள் சாலை, அந்தோணியார் கோவில் பஸ் நிறுத்தம் அருகே ரோந்து சென்றனர்.

அப்போது சாலையின் ஓரத்தில் 5 துணிபைகள் இருந்தன. அதன் அருகே 11 வாலிபர்கள் நின்று கொண்டு இருந்தனர். அவர்கள் போலீஸ் வருவதை பார்த்ததும் அங்கிருந்து தப்பி ஓடி விட்டனர். இதனால் சந்தேகம் அடைந்த போலீசார் அங்கு வைக்கப்பட்டிருந்த பைகளை திறந்து பார்த்தனர். உள்ளே மதுபாட்டில்கள் அடுக்கி வைக்கப்பட்டு இருந்தன. மொத்தம் 500 மதுபாட்டில்கள் இருந்தன.

அவற்றை போலீசார் பறிமுதல் செய்தனர். போலீசார் விசாரணை நடத்தியதில் இந்த மதுபாட்டில்கள் புதுவையில் இருந்து தமிழகத்துக்கு கடத்தி செல்ல முயன்றது தெரியவந்தது.

மதுபாட்டில்கள் பதுக்கி வைத்து கடத்த முயன்ற 11 பேரை போலீசார் தேடி வருகின்றனர். பறிமுதல் செய்யப்பட்ட மதுப்பாட்டில்களின் மதிப்பு ரூ.30 ஆயிரம் ஆகும். பறிமுதல் செய்யப்பட்ட மதுபாட்டில்களை கலால் துறையினரிடம் ஒப்படைக்கப்பட்டது. #tamilnews

செங்கோட்டை:

செங்கோட்டை வழியாக வாகனங்களில் கேரளாவுக்கு தடை செய்யப்பட்ட பொருட்களை கொண்டு செல்வதும், அங்கிருந்து தமிழகத்திற்குள் கொண்டு வருவதும் வாடிக்கையாக நடந்து வருகிறது. இதனை தடுக்க புளியரை சோதனை சாவடியில் போலீசார் தீவிர கண்காணிப்பில் ஈடுபட்டு வருகின்றனர்.

இந்நிலையில் கேரளாவில் இருந்து அரசு பேருந்து தென்காசி செல்வதற்காக புளியரை சோதனை சாவடி வந்தது. அப்போது போலீசார் பேருந்தில் உள்ளே சென்று சோதனை செய்த போது அங்கு சந்தேகம்படும்படியாக ஒருவர் இருந்தார். அருகில் ஒரு பேக் இருந்தது. அதை போலீசார் திறந்து பார்த்தபோது 20 மதுபாட்டில்கள் இருந்தது.
 
இதையடுத்து அதனை பறிமுதல் செய்து விசாரணை நடத்தியதில் அவர் தேவிபட்டணத்தை சேர்ந்த வன்னியராஜ்(வயது 35) என்றும்,  கேரளாவில் இருந்து கடத்தி வந்ததும் தெரியவந்தது. இது குறித்து புளியரை சப்-இன்ஸ்பெக்டர் தினேஷ்பாபு வழக்கு பதிவு செய்து வன்னிராஜை கைது செய்தார். #tamilnews

சீர்காழி:

புதுச்சேரியில் இருந்து நாகை மாவட்டம் சீர்காழி பகுதிக்கு மதுபாட்டில்கள் கடத்தப்படுவதாக போலீஸ் சூப்பிரண்டு தேஸ்முக்சஞ்சய் சேகருக்கு ரகசிய தகவல் கிடைத்தது. இதையடுத்து அவரது உத்தரவின் பேரில் சப்-இன்ஸ்பெக்டர் ராஜேந்திரன் மற்றும் போலீசார் கொண்ட தனிப்படை அமைக்கப்பட்டது.

இந்த தனிப்படை போலீசார் நேற்று இரவு சீர்காழி அருகே உள்ள சூரக்காடு பகுதியில் தீவிர வாகன சோதனையில் ஈடுபட்டனர். அப்போது காரைக்காலில் இருந்து வேகமாக வந்த சொகுசு கார் ஒன்றை நிறுத்தி சோதனை செய்தனர்.

அந்த காரில் புதுச்சேரி மாநிலத்தை சேர்ந்த மதுபாட்டிகள் பதுக்கி வைத்து இருப்பது தெரியவந்தது. உடனே போலீசார் காரையும் அதில் கடத்தி வரப்பட்ட 2 ஆயிரத்து 400 மதுபாட்டில்களையும் பறிமுதல் செய்து மதுவிலக்கு அமலாக்கப் பிரிவு போலீசாரிடம் ஒப்படைத்தனர்.

இதைத் தொடர்ந்து காரை ஓட்டி வந்த மயிலாடுதுறை அருகே உள்ள கனியூர் பகுதியை சேர்ந்த கலியபெருமாள் (வயது 45). என்பவரை கைது செய்து அவரிடம் விசாரணை நடத்தி வருகின்றனர். #tamilnews